U 1904-yilda Toshkentda o‘zining birinchi usuli jadid maktabini ochdi. Bu maktablar o‘qitish metodlari, dasturlari va o‘quv qurollari bilan eski maktablardan tubdan farq qilardi.Uning "Birinchi muallim" va "Ikkinchi muallim" darsliklari tovush usuliga asoslangan bo‘lib, o‘quvchilarning tez va samarali savod chiqarishini ta’minladi. Bu, an’anaviy yodlashga asoslangan ta’limga jiddiy zarba edi.Avloniy "Turon" teatr truppasining asoschilaridan bo'lib, teatr sahnalari orqali ham ma'rifiy g'oyalarni targ'ib qildi. Uning dramalari xalqni zamonaviy bilim va g‘oyalar bilan tanishtirdi.