Jules Gabriel Verne (talaffuzi: Jul Gabriyel Vern; 8-fevral 1828 — 24-mart 1905) Fransiyalik yozuvchi, ilmiy fantastika janri asoschilaridan biri[3]. Uning eng mashhur asarlari sirasiga Suv ostida 80000 kilometr (1870), Yer markaziga sayohat (1864), Dunyo boʻylab sakson kun (1873) romanlari kiradi. U 66 ta sarguzasht romanlar muallifidir. Birinchi asari esa „Havo sharida besh hafta“ deb nomlanadi. Uning koʻpgina mashhur asarlari, jumladan, „Oʻn besh yoshli kapitan“, "Kapitan Grant bolalari", „Klodius Bombarnak“, „Robinzonlar maktabi“, „Muzlar iskanjasida“, "Ostin Ustun", "Antifer tog'aning ajoyib va g'aroyib sarguzashtlari", "Sirli orol", "Suv ostida 80000 kilometr" kabilar oʻzbek tiliga oʻgirilgan.