Qipchoq tillari gʻarbiy xun tarmogiga mansub bir qancha oʻlik va jonli tillar guruhi. Qipchoq tillari, o'z navbatida, 3 guruhchaga bo'linadi: 1) sof qipchoq guruhchasi — qad. qipchoq (kuman) oʻlik tilini (qarang Qipchoq tili) hamda hozirgi jonli qaraim, qorachoy-bolqor, qrim-tatar, qoʻmiq tillarini oʻz ichiga oladi; 2) qipchoq-bulg'or guruhchasi — oʻrta asrlarda amalda bo'lgan gʻarbiy oltin oʻrda (oʻlik) adabiy tilini hamda hozirgi jonli tatar va boshqird tillarini o'z ichiga oladi; 3) qipchoq-no'g'ay guruhchasi — faqat hozirgi jonli no'g'ay, qozoq, qoraqalpoq tillarini, shuningdek, o'zbek tilining qipchoq shevalarini qamrab oladi.