She’riy va nasriy nutq haqida. Ritm tushunchasi. Ritmik bo’lak va ritmik vositalar. She’riy sintaksis haqida. Badiiy nutqning ikki shaklga — she’riy (tizma) va nasriy (sochma) ko’rinishlarga ega ekanligi bungacha aytildi. Nasriy nutq o’zining qurilishi jihatidan kundalik muloqotda qo’llaniluvchi nutqqa yaqin bo’lsa, she’riy nutq so’z san’atiga xos maxsus hodisa sanaladi. Zero, o’zining kelib chiqishi jihatidan ham badiiy nutqninng she’riy shakli nasriy shakldan qadimiyroq, aniqrog’i, o’z vaqtida badiiy nutqning yagona shakli bo’lgan.