Bugungi kunda umum taʼlim maktablarida o‘quvchilarga nafaqat ilmiy bilimlarni yetkazish, balki ularda axloqiy fazilatlarni shakllantirish ham dolzarb masalalardan biridir. Bu jarayonda diniy qadriyatlar, xususan, Imom Buxoriyning hadislarini o‘rganish va ulardan o‘quv-tarbiyaviy jarayonda foydalanish muhim ahamiyatga ega. Chunki hadislar insonparvarlik, halollik, adolat kabi fazilatlarni shakllantirishda bebaho manba hisoblanadi. Imom Buxoriy hadislarining o‘zbek xalqining milliy va maʼnaviy merosidagi o‘rni va ahamiyati, ularni o‘quvchilarga o‘rgatish orqali avlodlar tarbiyasiga ijobiy taʼsir ko‘rsatish imkoniyatlari haqida so'z yuritiladi. Shu sababli hadislarning zamonaviy taʼlim tizimidagi o‘rni, ularni o‘rgatish metodlari hamda pedagogik jarayonda qo‘llash imkoniyatlarini o‘rganish muhim ahamiyat kasb etadi.