XX-asrning 70-yillari о‘rtalaridan boshlab deyarli hamma viloyat kutubxonalarida “Tabiy ilmiy va qishloq xо‘jaligi haqida adabiyotlar” axborot byulletenlari tayyorlanib, Samarqand va Farg‘ona viloyat kutubxonalarida u rotaprint va rotatorda kо‘paytirilgan, qolgan kutubxonalarda esa yozuv mashinkasida 50 tadan 100 tagacha kо‘paytirilib, kitobxonlarga, tashkilot va muassasalarga tarqatilgan. Hozirda esa kutubxonalar faoliyatiga yangi axborot texnologiyalarining kirib kelishi tufayli bu boradagi ishlarini bajarishda yanada kengroq imkoniyatlar paydo bо‘ldi, ya’ni AKM lari tuzgan bibliografik qо‘llanmalarini kompyuterga kiritib, uni istagancha nusxada kо‘paytirishlari va tarqatishlari mumkin. Vaqtli nashrlar - gazeta, jurnal va byulletenlar bо‘lib, ularning xususiyati nashrdan chiqishda ma’lum bir tartibda raqam ketma ketligiga egaligidir. “Periodika”- sо‘zi grekcha sо‘zdan olingan bо‘lib, vaqtli, yana boshlangan, qaytayotgan degan ma’noni anglatadi. Davomli nashrlar - tо‘plangan materialning hajmiga kо‘ra muntazam bо‘lmagan chiqish tartib raqamiga ega bо‘ladi. Davomli nashrlar tor yо‘nalis