Sut emizuchilarda implantasiyaning uch turi mavjud: sentral, ekssentral, interstisial. Sentral implantasiya juft tuyoqlilar, toq tuyoqlilar, tovushqonsimonlar va boshqa hayvonlarga xos bo`lib ularda blastosista bachadonning shilliq qavatiga kirmауdi, uning bo'shlig'ining markazida joylashadi. Ekssentral implantasiya sichqonlar, kalamиshlar va qo'shoyoqlarda uchraydi. Bularda blastosista bachadonning bo'shlig'idan kriptasiga o'tib, implantasiya kamerasini hosil qiladi. Keyinchalik, o'suvchi desidual hujayralar implantasiya kamerasi bilan bachadon bo'shlig'i orasini yopadi. Embrion bachadon devorining shilliq epiteliy hujayralarini eritib, biriktiruvchi to'qimaga yetadi va implantasiya sodir bo'ladi. Interstisial implantasiya ko'rshapalaklar, qumsichqonlar va primatlarga xos bo`lib, ularda blastosista bachadon yorig'idan uning shilliq qavatini bиzib, biriktiruvchi to'qimaga yetadi. Ularning bachadonida kripta bo'lmaydi. Sudralib yuruvchilar tuxumida sariqlik moddasi ko'p bo'ladi. Ulardan kelib chiqqan sut emizuvchilar tuxumida esa sariqlik moddasi yanada ko'proq bo'lishi kerak edi. Evolyusiya jarayonida sut emizuvchilar embrional taraqqiyoti yanada uzoqroq davom etadigan bo'ldi. Tuxumning sariqlik moddaga bo'lishi fiziologik уа ekologikjihatdan faqat yirik hayvonlarga xosdir.