Hayvonlarning ham, odamning ham organizmi hujayralardan va ularning yig’indasi- to’qimalardan tarkib topgan. Hayvonlar bilan odam tanasidagi bacha katta-kichik organlar o’ziga xos hujayra va shu hujayralardan tashkil topgan to’qimalardan tuzilgan. Shu jihatdan qaraganda, tirik organizmning eng kichik, ya’ni zarracha qismi bu-hujayradir. Hujayralarning tuzilishi, yaratilishi va rivojlanish bosqichlarini, odatda, sitalogiya o’rganadi. To’qimalarning tuzilishi, rivojlanishini, hayotiy faoliyatini esa gitologiya o’rganadi. "Gistologiya" fanining mavzui bilan vazifasi uning nomidan ham anglashilib turibdi. Antropologiya, anatomiya, embriologiya, sitologiya kabi fanlar qatorida gistologiya ham fundamental morfologik fan bo’lib, uning asosiy predmeti tirik materiya tashkil topishida moddiy asos bo’lib xizmat qilidigan to’qima-murrakab biologik sistemadir.