Miksomisettoifalar sodda tuzilgan amyobasimon organizmlarga o’xshash bo’lib, zamburug’lar singari soprofit va parazit oziqlanadigan 500 ga yaqin turdan iborat. Ularning vegetativ tanasi plazmodiy deb ataladi. Plazmodiy ko’p yadroli, yalang’och sitoplazma uyumidan iborat bo’lib, u amyobasimon aktiv harakat qila oladi. Plazmodiysi tashqi muhit tasirini bir butun holda sezadi. Plazmodiy yolg’on oyoqlar chiqarish yoki o’z moddasini boshqa tomonga harakatlantirish bilan yorug’likdan qochib, ovqat va nam manbaiga qarab harakat qiladi. Shilimshiqlarning plazmodiysi sekin oqib borib qattiq ovqat bo’lakchalarini va organik modda qoldiqlarini aylanasiga o’rab oladi hamda ularni yutib hazm qiladi. Ayrim plazmodiyning diametri 1 metrga yetadi. Plazmodiyning rangi turli xil bo’lib, qaymoqsimon atalaga o’xshaydi. Ular umrining ko’p davrini plazmodiy holda o’tkazadi. Ularning plazmodiysida hujayra po’sti bo’lmaydi. Shilimshiqlar sporalar yordamida ko’payadi. Sporalar hosil qilish oldidan plazmodiysi, aksincha yorug’ va namsiz quruq yerga qarab siljib, substrat sirtiga chiqqach, yolg’on oyoqlarini yig’ishtirib oladi-harakatdan to’xtaydi. Tanasidagi suvni yo’qotib, mevatanaga aylanadi. Mevatana mikroskopik sporalar yetiladigan sellyuloz