Eksperimental biologiya laboratoriyasining "O’simliklarni himoya qilish" tadqiqot yo’nalishida shirinmiya ildizidan ajratib olingan glitsirrizin kislotas asosida yaratilgan komplekslar bug’doyning zamburug’li kasalliklarga chidamliligini oshiruvchi induktorlik xususiyatiga ega ekanligi aniqlandi. Shuning bilan birga ushbu birikmalar o’simlik hosildorligi va hosil sifatini oshiruvchi eng muhim tabiiy birikmalar sifatida qayd etildi. O’simliklarning o’sish-rivojlanish bosqichlarida tashqi stress biotik va abiotik omillardan himoya qilish muhim omillardan biridir. Ma’lumki, qishloq xo’jaligida yo’qolayotgan hosilning 40%i zararkunada hasharotlarga qarshi, 30%i kasalliklarga qarshi qo’llaniladigan vositalar asosida saqlanib qolinadi. Demak, o’simliklarni tashqi stress omillar ta’siridan saqlash qishloq xo’jaligi iqtisodiyotidagi muhim masalalardan biridir.