Jigar organizmning o‘z vazifasini bajarib bo‘lgan endogen tabiatli biologik faol moddalar (steroid gormonlari, katexolaminlar, prostaglandinlar, bilirubin, ichakda oqsillarning chirish mahsulotlari) hamda ksenobiotiklardan xalos etishni ta'minlovchi, eng muhim a'zo hisoblanadi. Ksenobiotiklar organizmga oshqozon-ichak tizimi, teri, o'pka orqali kiradigan, ammo plastik va energetik maqsadlarda qo‘llanilmaydigan moddalardir. Ularga dori moddalari, konservantlar va toksinlar kiradi. Zararsizlantirish gepatotsitningsilliq endoplazmatik retikulumida (EPR) kechadi.