Yosh fiziologiyasi va gigiyena fanining predmeti, boshqa fanlar bilan aloqasi va ahamiyati, rivojlanish tarixi. Bu fanlar o`zaro bir-birini to`ldiradi va yosh avlodni tarbiyalashda katta ahamiyatga ega. Fan 1970 yildan pedagogika oliy o`quv yurtlarining o`quv rejasiga kiritilgan. Yosh fiziologiyasi fiziologiya fanining bir qismi hisoblanadi va odam fiziologiyasida yangi ma'lumotlar to`planishi natijasida mustaqil fan bo`lib ajralib chiqgan. Yosh fiziologiyasi fani turli yoshdagi bolalar va o`smirlarning organizmlarida kechadigan o`sish va rivojlanish jarayonlarini, organlari, to`qimalari va tizimlarining xususiyatlarini o`rganadi.