Ushbu amaliy ish qishloq xo‘jaligi sohasida geografik axborot tizimlari (GAT) texnologiyalari yordamida hududning elektron xaritasini yaratishga qaratilgan. Ish nazariy va amaliy qismdan iborat bo‘lib, qishloq xo‘jaligi xaritasini tuzishning nazariy asoslari, dasturiy ta’minotlardan foydalanish qoidalari, aerosuratlarni yuklab olish va ularni dishefrovka qilish, hamda qishloq xo‘jalik xaritasini yaratish bosqichlarini o‘z ichiga oladi. Metodologiya va ilmiy-tadqiqot asoslari GAT texnologiyalari va mamlakat kadastr tizimi hujjatlariga asoslangan.