Yurtimizda olib borilayotgan sud-huquq tizimidagi islohotlar, qonunchilikka kiritilayotgan oʻzgartirishlar advokatura tizimiga ham oʻz ta’sirini koʻrsatmay qolmayapti. Advokatura tizimidagi yangiliklar toʻgʻridan toʻgʻri advokatlik kasbiga bogʻlik desak, mubolagʻa boʻlmaydi. Xususan, advokatlik maqomiga ega boʻlishga qoʻyilgan talablar oxirgi yillarda rivojlangan davlatlar standartlariga moslashib bormoqda. Advokatlik maqomiga qoʻyilgan talablar haqida soʻz yuritar ekanmiz, “maqom” hamda “advokatlik maqomi” tushunchalariga izoh berishni lozim deb topdik. Maqom (huquqda) — saylab qoʻyiladigan shaxslar, fuqarolar, davlat idoralari, tashkilot, muassasa, xalqaro tashkilotlarning normativ akt bilan rasmiylashtirilgan huquqiy holati, ular huquq va majburiyatlarining yigʻindisi. Ingliz tilida “maqom” “status” deb tarjima qilinadi hamda ushbu soʻz ham oʻz navbatida shaxs, guruh yoki mamlakatning huquqiy holati ma’nosini ifodalaydi. Demak advokat maqomini advokatning huquqiy holati deb tushunishimiz oʻrinli boʻlar ekan. Shu oʻrinda aytib oʻtish lozimki, advokat maqomini olish advokat uchun ma’lum huquqlar hamda majburiyatlarni yuzaga keltiradi. Advokatlik maqomi nafaqat huquq va majburiyatlarni balki, uning javobgarligi, faoliyati kafolatlarini ham oʻz ichiga oladi. “Advokat maqomini olish” tushunchasi ham turli davlat qonunchi.