Inklyuziv ta'lim zamonaviy demokratik jamiyatning ajralmas qismi sifatida inson huquqlarini ta’minlash, ijtimoiy tenglik va adolat tamoyillariga asoslanadi. Ushbu yondashuv, eng avvalo, har bir insonning – u jismoniy, aqliy yoki boshqa turdagi cheklovlarga ega bo‘lishidan qat’i nazar – to‘laqonli, sifatli va qulay ta’lim olish huquqiga ega ekanligini e’tirof etishga asoslanadi. Inklyuziv ta’limning huquqiy asoslari, asosan, xalqaro huquqiy hujjatlar, deklaratsiyalar va konvensiyalar orqali belgilab qo‘yilgan. Ular inklyuzivlikni nafaqat tavsiya darajasida, balki majburiy huquqiy tamoyil sifatida qaror topishiga xizmat qilgan.