"Mehnat muhofazasi fanining asosiy maqsadi va vazifalari haqida tushunchalar. Mehnat muhofazasi ish jarayonida inson xavfsizligi, salomatligi va ish qobiliyatini oshirishni ta’minlovchi qonunlar sistemasi va sotsial-iqtisodiy, tashkiliy, texnikaviy, gigienik va davolash profilaktikasi tadbirlari bilan ta'minlanadi. Mehnat muhofazasi zararli va xavfli ishlab chiqarish omillarining ishlovchilarga ta’sirini eng kam darajaga keltirish, ishchining shikastlanishi oldini olish, yuqori mehnat unumdorligiga erishishni ta'minlashga yordam beradi. 'Mehnat muhofazasi' kursi 4 bo‘limdan iborat: mehnat qonunchiligi asoslari, ishlab chiqarish gigienasi va sanoat sanitariyasi, xavfsizlik texnikasi, yong‘in profilaktikasi. Bu kurs fanning mutaxassislikka tegishli asosiy nazariy qismini taqdim etadi, mashinalar, transport vositalari, texnologik jarayonlar, ish turlari bino va inshootlar uchun tegishli mutaxasssislik kurslarida o‘rgangan."