Гидротехника қурилишларининг ўзига хос ҳусусиятларидан бири мураккаб табиий шароитда бажарилишидир. Объектларни марказий аҳоли яшаш жойларидан олисда жойлашиши, инженерлик коммуникацияларининг ҳамма жойда ҳам мавжуд бўлмаслиги, геологик, метереологик ва гидрогеологик шароитларнинг мураккаблиги билан ҳарактерланади. Кўрсатилган шароитлардан келиб чикиб гидротехник иншоотлар қурилишида қозиқлардан фойдаланилади. Қурилишда қозиқлар тепадан таъсир этадиган кучни ерни пастки қатламларига ўтказиш учун қўлланилади. Агарда қозиқ юкни ўзига қабул қилиб ернинг маълум пастки (чуқур жойидаги) қаттиқ қатламга ўтказса, яъни юкнинг асосий вазни пастки қатлам асосида тутиб турилса буни устун қозиқ деб тушунилади. Агарда қозиқ юкни қабул қилиб атрофдаги грунтга, унинг ишқаланиш қаршилиги ҳисобига (атрофи ва пастки учи) ўтказса, уни муаллақ қозиқ деб тушунилади.