Huquq normalari talablarini buzuvchi subyektlarga nisbatan maxsus vakolatli davlat organlari tomonidan qonunlarda koʻzda tutilgan davlat-majburlov choralarining qoʻllanilishi tushuniladi. Majburlov – boʻysunuvchi subyektning irodasini rad etish va uning xulq-atvoriga tashqi taʼsir koʻrsatish. Mansabdor shaxs – mulk shaklidan qatʼiy nazar korxona, muassasa, tashkilotda muayyan mansabni egallab turgan hamda rahbarlik, tashkiliy, farmoyish berish, tekshiruv-nazorat vazifalari yoki moddiy boyliklar harakati bilan bogʻliq boʻlgan vazifalar yuklatilgan shaxs. Maʼmuriy javobgarlik – maʼmuriy huquq meʼyorlari bilan tartibga solingan, maʼmuriy huquqbuzarlikni sodir etgan shaxsga nisbatan vakolatli davlat organlari va mansabdor shaxslar tomonidan maʼmuriy-protsessual tartibda maʼmuriy jazoni qoʻllashdir. Maʼmuriy jazo – javobgarlikka tortish chorasi, maʼmuriy huquqbuzarlik sodir etgan shaxsni qonunlarga rioya etish va ularni hurmat qilish ruhida tarbiyalash, shuningdek, ana shu huquqbuzarning oʻzi tomonidan ham, boshqa shaxslar tomonidan ham yangi huquqbuzarlik sodir etilishining oldini olish maqsadida qoʻllaniladi. Maʼmuriy huquqbuzarlik – qonun hujjatlariga binoan maʼmuriy javobgarlikka tortish nazarda tutilgan, shaxsga, fuqarolarning huquqlari va erkinliklariga, mulkchilikka, davlat va jamoat tartibiga, tabiiy muhitga tajovuz qiluvchi gʻayrihuquqiy, aybli (qasddan yoki ehtiyotsizlik orqasida) sodir etilga