Amaliy dasturiy ta’minot (AT) foydalanuvchi aniq bir vazifalar (ilovalar)ni ishlab chiqishi va bajarishi uchun mo’ljallangan. Amaliy dasturiy ta’minot mos operatsion, sistemalar boshqaruvida ishlaydi. Amaliy DT tarkibiga quyidagilar kiradi: turli vazifalardagi amaliy dasturlar paketlari; foydalanuvchi va AT umumiy ish dasturlari. Amaliy dasturlar paketlari (ADP) foydalanuvchi hal etayotgan vazifalarni avtomatlashtirishning kuchli qurolidir, u kompyuter axborotni qayta ishlash bo‘yicha biror ishni qanday bajarayotganini bilish zaruriyatidan amalda toliq ozod etadi. Hozirgi paytda o‘z funksional imkoniyatlari va amalga oshirish usullariga ko‘ra farqlanuvchi ko‘plab ADP mavjud. ADPning quyidagi turlari farqlanadi: umumiy vazifaga ega (universal); uslubiy yo’naltirilgan; global tarmoq; hisoblash jarayonini uyushtirish (ma’muriylashtirish). Umumiy vazifaga ega ADP — foydalanuvchi va umuman axborot tizimining funksional vazifalarini ishlab chiqish va foydalanishni avtomatlashtirishga mo’jallangan. Bu ADP sinfiga quyidagilar oiddir: matnli (matnli protsessorlar) va grafik muharrirlar; elektron jadvallar; malumotlar bazasini boshqarish tizimlari (MBBT); integratsiyalashgan paketlar; CASE-texnologiyalar;