Radioapparatlarni ishlab chiqarish va ta’mirlashda elektromontaj ishlari eng muhim va juda sermehnat hisoblanadi. Elektromontaj birikmalari prinsipial sxemalar yoki ulash sxemalari asosida hosil qilinadi. Radioapparatlarning berilgan chiqish parametrlarining ta’minlanishi va ularning ishonchli ishlashi montaj ishlariga qo‘yilgan asosiy talablarga hamda ishlab chiqarish intizomiga qat’iy amal qilinishiga bog‘liq. Montaj ishlari texnik hujjatlar (prinsipial va montaj sxemalari, texnologiya, texnik shartlar, maxsus instruksiyalar va hokazo)ga muvofiq bajarilishi kerak, chunki hatto bitta yomon kontakt radio priyom nikning ishdan chiqishiga sabab bo‘lishi mumkin.