A3 formatda tomonlari 297x210 mmli to‘g‘ri to‘rtburchak ajratilib unga berilgan variant ko‘chirilib chiziladi. Nolinchi ish chizig‘i aniqlanadi. Nolinchi ish chizig‘idan yuqorida, maydoncha konturiga parallel qilib 1m li kyuvet (ariq) chiziladi. Maydoncha konturiga perpendikular qilib qiyalik chiziqlari chiziladi va berilgan qiyalikka binoan darajalanadi. Har bir tekislik uchun gorizontallar o‘tkaziladi. Tekislik gorizontallarining bir qiymatli topografik sirt gorizontallari bilan kesishgan nuqtalari belgilanadi va ingichka chiziq bilan tutashtirib chiqiladi. Qo‘shni tekisliklarning o‘zaro kesishib hosil qilgan to‘g‘ri chiziqlari yasaladi. Bergshtrixlar qo‘yib chiqiladi. Tuprioq ishlari chegarasi qalinlashtiriladi.