Axborot raqamli ishlov berishda, izlanayotgan hamma qiymatlar diskret shaklda raqamli kod ko‘rinishida beriladi. Agar izlanilayotgan qiymat uzluksiz funksiya (analogli signal) ko‘rinishida berilsa, uni raqamli ko‘rinishga o‘zgartirish lozim. Vaqt diskretlanishi intervali (Т0) beriladi, so‘ng funksiya qiymati ushbu vaqt birliklarida aniqlanadi. Funksiyaning bu qiymatini tanlov deyiladi va tanlovlar raqam kodiga o‘zgartiriladi. Vaqt intervali kichik bo‘lsa, funksiya aniq tasvirlanadi, lekin Т0 kichik qiymatlari uchun katta xotira hajmi va hisoblash mashinasining tezkorligi talab etiladi. Ko‘pincha, Т0 ni Kotelnikov teoremasini qo‘llab, diskretlash davrini spektral tasnif f(t) ga bog‘lab aniqlanadi.