Metall kesish dastgoxlari ishlov beriladigan xomashyoga berilgan aniqlikda talab qilingan formani berish uchun ishlatiladi. Tokarlik guruhidagi dastgoxlar eng ko‘p tarqalgan dastgoxlar hisoblanib, sanoat korxonalarida, taʼmirlash ustaxonalarida ko‘p uchraydi. Bu guruxga quyidagilar kiradi: universal tokarlik va tokarlik vint ochadigan, revolver, karusel, tokarlik- nusxa ko‘chiruvchi dastgoxlar, shuningdek, tokarlik avtomatlar va yarimavtomatlar. Tokarlik dastgoxlarida turli formali aylanma xarakat qiluvchi jismlarni tashqi, ichki va yonbosh yuzalariga ishlov beriladi. Tokarlik guruxiga kiruvchi dastgoxlarning farqli xususiyatlariga ishlov berilayotgan detalni aylanishi hisobiga asosiy xarakat hosil qilishdir. Bunda supportni ilgarilama xarakati orqali kesish asbobi uzatiladi. Tokarlik- revolver dastgoxlari murakkab koʻrinishga ega boʻlgan detallar, shuningdek bolt, gayka va shunga oʻxshashlar ishlab chiqarishda ishlov berish uchun qo‘llaniladi.