Sterjenning ko‘ndalang kesimlarida bir vaqtning o‘zida bir nechta ichki zo‘riqish kuch faktorlari hosil bo‘lishi mumkin. Bunday hollarda ikkita yoki uchta kuch faktorlarining birgalikdagi ta’sirlarini inobatga olgan holda mustahkamlikka tekshiriladi. Bu hodisa murakkab deformatsiya yoki murakkab qarshilik deyiladi. Bunday deformatsiyalar jumlasiga quyidagilar kiradi: 1.Murakkab egilish (qiyshiq egilish); 2.Markaziy bo‘lmagan siqilish; 3.CHo‘zilish bilan egilishning birgalikdagi ta’siri; 4.Egilish bilan buralishning birgalikdagi ta’siri va boshqalar.