O‘lchash vositalarining metrologik tavsiflari, xarakteristikalari, o‘lchashlarning natijalari va xatoliklariga ta’sir ko‘rsatuvchi xususiyatlarining tavsifi. Metrologik ekspertizani o‘tkazishda o‘lchash natijasining xatoligini aniqlash, o‘lchash jarayonini amalga oshirishning ma’lum shartlari va o‘lchashlarning aniqligi talablari bo‘yicha o‘lchash vositasini tanlash, har xil tipdagi o‘lchash vositalarini taqqoslash, murakkab o‘lchash tizimlarining xatoliklarini baholash va hokazolarni bajarishga yordam beradi. O‘lchash vositalariga talablarni qo‘yishda texnik hujjatlarda o‘lchash vositasining metrologik tavsiflari yoki ular to‘g‘risidagi ma’lumotlarni o‘z ichiga oladigan hujjatlar ko‘rsatiladi. Me’yorlangan metrologik tavsiflar qo‘yilgan vazifalarni asoslangan tarzda hal qilishga yordam beradi va o‘lchash vositasining me’yorlangan tavsiflarga muvofiqligini nazorat qilishga imkon beradi. Metrologik tavsiflarning majmuasini me’yorlash bu jarayonni osonlashtiradi.