O‘zgarmas tok mashinalari boshqa elektr mashinalari kabi qaytuvchanlik xususiyatlariga ega bo’lib, ham generator, ham dvigatel` rejimlarida ishlay oladi. Yagona P seriyali o’zgarmas tok dvigatellarining quvvati 0,2 dan 6800 kVt gacha, aylanish tezligi 24 dan 3000 ayl/min gacha bo’lgan dipazonni tashkil etadi. Dvigatel` rejimida ishlashi uchun uyg`otish tokini kamaytirish kerakki, natijada yakorda induksiyalanayotgan EYuK tarmoq kuchlanishidan kam bo’lsin. Yakor` chulg`amlaridan o’tayotgan tok Iya bilan uyg`otish chulg`amining magnit oqimi F ning o’zaro ta`siridan elektromagnit kuch F hosil bo’ladi. Yakor` aylanganda chulg`amdagi o’ramlar magnit kuch chiziqlarini kesib o’tadi va ularda EYuK E=cFn induksiyalanadi.