Metallning ishlatishga yaroqliligi uning ichki tuzilishiga bog‘liq. Ichki tuzilish dеgаnda, metallning bir butunligini ta’minlaydigan, ichki va tashqi ta’sirlarga faol qarshilik ko‘rsatuvchi ichki bog‘lanishlari tushuniladi. Metall va qotishmalarning ichki tuzilishi, tarkibi va xossalari o‘rtasidagi amaliy bog‘lanishlarni o‘rganadigan fan metallshunoslik deyiladi. Metallar yaltiroq, plastik moddalardir. Metallar o‘zidan elektr tokini va issiqlikni yaxshi o‘tkazadi. Metallarning elektr va issiqlik o‘tkazuvchanligiga, ularning kristall panjarasida erkin elektronlar mavjudligi sabab bo‘ladi. Metallarning ichki tuzilishini elementar katakchalar (1.1-rasm) orqali tushuntirish qulay. Ko‘pgina metallar uch xil kristall panjaraga ega bo‘ladi: – hajmi markazlashgan kub panjara, bunday kristall panjarada 9 ta atom bo‘lib, ularning 8 tasi kub katakchaning burchaklari uchida, bittasi kub markazida joylashadi.