Siklonlarning sanoatda ko’p ishlatilishidan qat’iy nazar, ularda yuz beradigan turli jinsli sistemalarni ajratish jarayoni to’la tadqiqot qilinmagan, chunki uskunadagi gidrodinamik holat ancha murakkab. Siklonlarni tanlash asosan emprik yo’l bilan olingan natijalarga asoslanadi. Gidravlika nuqtai nazaridan, siklon qandaydir mahalliy qarshilik, deb olinishi mumkin. Siklonning gidravlik qarshiligi uskunaning turiga bog’liq bo’ladi. Gazning mavhum tezligi va siklon silindr qismining diametri sarf tenglamasi berilgan shartlarda topiladi.