Дастгаҳ-мослама-заготовка-асбоб (ДМЗА) эластик тизим бўлиб, ишлов бериш жараёнида унинг деформацияланиши заготовка ўлчамлари, геометрик параметрларининг тизимли ва тасодифий хатоликлари келиб чиқишига сабаб бўлади. Шунинг билан бир қаторда бу технологик тизим, берк динамик тизим бўлиб, ишлов берилаётган юза шакли ва ғадир-будурликларида қўшимча хатоликларни келтириб чиқарувчи тебранишларни ҳосил қилиши ва кучайтириши мумкин. Токарлик дастгаҳида силлиқ цилиндрик деталга ишлов беришнинг дастлабки босһичида, қирқиш асбоби ўнг томондаги охирги нуқтада бўлганида қирқиш кучининг нормал ташкил етувчиси орқали, станокнинг орқа маркази, пиноли ва орқа бабкасига таъсир қилади. У куч саналган элементларнинг барчасининг «ишчидан узоқлашиш» йўналишида деформацияланишига олиб келади. Бу ўз навбатида қирқиш асбоби учидан заготовканинг айланиш ўқигача бўлган масофан