Ushbu ish agrar siyosat va qishloq xo‘jaligini barqaror rivojlantirishning nazariy va amaliy jihatlari ko‘rib chiqilgan. Qishloq xo‘jaligi mamlakat iqtisodiyotida muhim o‘rin tutishi, uning samaradorligi aholi farovonligi va oziq-ovqat xavfsizligiga bevosita ta’sir etishi ta’kidlanadi. Ishda qishloq xo‘jaligida mavjud muammolar – texnologik ortda qolish, suv va yer resurslaridan samarasiz foydalanish, moliyaviy cheklovlar hamda ekologik muammolar yoritilgan. Shuningdek, qishloq xo‘jaligini barqaror rivojlantirish uchun zamonaviy agrotexnologiyalarni joriy etish, suv tejovchi usullardan foydalanish, fermerlarni qo‘llab-quvvatlash, infratuzilmani rivojlantirish va ekologik muvozanatni saqlash kabi yo‘nalishlar taklif etilgan. Tadqiqot natijalarida agrar siyosatni samarali olib borish orqali oziq-ovqat xavfsizligini mustahkamlash va mamlakat iqtisodiy barqarorligini ta’minlash mumkinligi asoslangan.