Ushbu to‘plam 5230100 - «Iqtisodiyot (tarmoqlar va sohalar bo‘yicha)» bakalavriat yo‘nalishi talabalari uchun ishlab chiqarish amaliyotlarini tashkil etishga mo‘ljallangan. Dasturda amaliyotning maqsad va vazifalari, o‘tkazilish tartibi, talabalar tomonidan bajarilishi lozim bo‘lgan ishlar, hisobot tayyorlash va uning himoyasi bo‘yicha ko‘rsatmalar berilgan. Amaliyot davomida talabalar korxonalarning boshqaruv tuzilmasi, texnologik jarayonlar, ishlab chiqarish rejasi hamda ish haqi tizimlari bilan tanishadilar. Malakaviy amaliyot o‘quv jarayonining muhim qismi bo‘lib, talabalarning nazariy bilimlarini amaliy ko‘nikmaga aylantirishga xizmat qiladi.