SHNQ 3.06.03-08 umumiy foydalanishdagi va xo‘jalik avtomobil yo‘llarini qurish va mavjudlarini rekonstruksiya qilishda qo‘llaniladi, bundan korxonalarning vaqtinchalik yo‘llari va sinov yo‘llari mustasno. Avtomobil yo‘llari qurish va rekonstruksiya qilishda ushbu qoidalardan tashqari ShNQ 2.05.02 ning 3 qismi, QMQ 2.05.11 ning 7 qismi, xavfsizlik texnikasi va ishlab chiqarish sanitariyasi me’yoriy hujjatlarining talablarini bajarish zarur. Avtomobil yo‘llarini qurish va rekonstruksiya vilishda atrof-muhit muhofazasi chora-tadbirlarini ko‘rish lozim. Ishlab chiqarishda texnologik yechimlarni qabul qilishda atrof-muhitga zarar yetkazmaslikni, tabiat muvozanatini buzmaslikni, ekologik, geologik, gidrologik va boshqa tabiiy sharoitlarning o‘zgarish xavfi tug‘ilmasligini hisobga olgan holda hal qilish lozim. Yo‘l qurilishiga ajratilgan mintaqadan tashqarida o‘t-o‘lanlar o‘sish qatlamiga zarar yetkazuvchi drenaj qurilishi va tekislash ishlari olib borish man etiladi. Yo‘l qurilish uchun ajratilgan mintaqada vaqtinchalik inshootlar va qurilish transport yo‘llari qurish