Buxgalteriya hisobining ushbu milliy standarti "Buxgalteriya hisobi to‘g’risida" O‘zbekiston Respublikasi qonuni asosida ishlab chiqilgan bo‘lib O‘zbekiston Respublikasida buxgalteriya hisobini me’yoriy jihatdan tartibga solish tizimining bir unsuridir. Moliyaviy hisobotni tayyorlash va taqdim etish uchun konsepsiya asosi doirasida hisobot davrida sarmoya egalari tomonidan sarflangan mablag’ bilan bog’liq ko‘payishdan tashqari aktivlarning ko‘payishi yoki majburiyatlarning kamayishi ko‘rinishida iqtisodiy nafning ortishi sifatida daromadlar aniqlanadi. Xo‘jalik faoliyatidan tushadigan daromad asosiy, operatsion va moliyaviy faoliyatdan olinadigan daromadlardan iborat bo‘ladi.