O‘zbekiston prezidenti Shavkat Mirziyoyev 14 aprel kuni o‘tkazilgan videoselektor yig‘ilishda infeksiya tarqalishini deyarli bir oy davomida sekinlashtirib, bu vaqtdan davolash o‘rinlarini ko‘paytirish, chet davlatlarning davolash tajribasini o‘rganish va joriy qilishda unumli foydalanilgani haqida gapirdi. Shu bilan birga, karantin davrida hukumatning ikkita iqtisodiy ko‘mak paketi tanishtirildi. Bosh vazir o‘rinbosari, Iqtisodiy taraqqiyot va kambag‘allikni qisqartirish vaziri Jamshid Qo‘chqorov Kun.uz'ga bergan intervyusida hukumatning iqtisodiy-moliyaviy bloki pandemiya ortidan paydo bo‘lgan inqirozni yengib o‘tish, uning oqibatlarini yumshatish haqida fikr va mulohazalarini bildirdi.