Bozor segmentasiyasi - har qanday bozorni ko'plab mezonlar va omillarni hisobga olgan holda alohida qismlarga, ya’ni segmentlarga bo'lish, differensiyalash jarayonidir. Bozorni segmentlarga ajratishda tadqiqotchilar odatda umumiy ehtiyojlar, umumiy manfaatlar, o’xshash turmush tarzi yoki shunga o’xshash demografik profil kabi umumiy xususiyatlarni izlaydilar. Segmentasiyaning asosiy maqsadi yuqori rentabellikka ega segmentlarni aniqlashdir, ya’ni eng daromadli yoki o’sish potensialiga ega bo’lgan segmentlarni alohida tanlash (ya’ni maqsadli bozorlarga aylanishi).