Oxirgi yillarda respublikamizda olib borilayotgan iqtisodiy islohotlar ishlab chiqarishdagi iqtisodiy munosabatlarni va korxonalarni faoliyat yurgizish shart-sharoitlarini o‘zgartirib yubordi. Energia resurslarni tejash orqali mahsulot tannarxini kamaytirish ishlab chiqarilayotgan mahsulotimizni tashqi va ichki bozordagi raqobatbardoshligini oshirish asosiy omillaridan biridir. Bu vazifani hal qilishning asosiy yo‘nalishlari bu: yuqori samaradorlikka ega bo‘lgan texnologik mashinalarni va energiyani yetkazib beruvchi ratsional elektr ta’minoti tizimini qo‘llash hisoblanadi. Energiya ta’minoti tizimi elementlarini va energiyani uzatish sxemasini to‘g‘ri tanlashni, elektr energiyasi sifatini nazorat qilish, elektr ta’minoti tizimini ishonchligini oshirish, iste’mol rejimlarini optimallash va jadallashtirish kabi masalalarni o‘z ichiga oladi. Bu esa o‘z navbatida iqtisodiyotimizni va energetika tizimini energiya samarador texnologiyalar asosida modernizatsiyalashni talab qiladi.