Tadqiqotda viloyatdagi mavjud ishlab chiqarish korxonalarining holati, ularning raqobatbardoshligi va innovatsion faoliyati o‘rganilgan. Shuningdek, viloyatdagi sanoat tarmog‘ining klasterizatsiyasi, investitsiya muhitini yaxshilash, mahalliy xom-ashyo bazasidan samarali foydalanish va eksport salohiyatini oshirish masalalari ko‘rib chiqilgan. Tadqiqot natijasida Surxondaryo viloyati sanoat tarmog‘ining iqtisodiy samaradorligini oshirish va diversifikatsiyalash bo‘yicha aniq tavsiyalar ishlab chiqilgan. Bu tavsiyalar viloyatdagi agrosanoat majmuasini rivojlantirish, tog‘-kon sanoatini modernizatsiya qilish, qayta ishlash sanoatini kengaytirish va zamonaviy innovatsion texnologiyalarni joriy etishni o‘z ichiga oladi.