O‘ZBEKISTON RESPUBLIKASINING QONUNI ICHIMLIK SUVI TA’MINOTI VA OQOVA SUVLARNI CHIQARIB YUBORISH TO‘G‘RISIDA qonunchilik palatasi tomonidan 2021-yil 28-dekabrda qabul qilingan Senat tomonidan 2022-yil 28-aprelda ma’qullangan. Ushbu Qonunning maqsadi ichimlik suvi ta’minoti va oqova suvlarni chiqarib yuborish sohasidagi munosabatlarni tartibga solishdan iborat. Ushbu Qonunning amal qilishi ichimlik suvini qadoqlangan tarzda, tovar belgisidan va xizmat ko‘rsatish belgisidan foydalangan holda ishlab chiqarishga hamda realizatsiya qilishga nisbatan tatbiq etilmaydi.