Iqtisodiy operatsiyalar hisobotiga makroiqtisodiy hisoblarning umumiy elementi deb qaralishi mumkin. Mulkchilik huquqi biror iqtisodiy birlikdan boshqasiga real yoki moliyaviy aktivga bo‘lgan mulkchilik huquqiga o‘tsa yoki biror-bir iqtisodiy birlik boshqa birlikka xizmat qilsa, iqtisodiy operatsiya sodir bo‘ladi. Ko‘p hollarda iqtisodiy operatsiyalar sodir bo‘lganda, biror moliyaviy aktiv boshqasiga almashiladi. Bu operatsiyalar 2 ta komponentdan iborat: 1-tovarlar, xizmatlar va moliyaviy aktivlar oqimi va 2-“Bir tomonlama transfertlar”. Ma’lum hisoblangan davrda yuz beradigan iqtisodiy operatsiyalar oqim deyiladi. “Oqim” – bu, ma’lum birlik davridagi faoliyat o‘lchovidir. Makroiqtisodiy o‘zgaruvchi oqimlar ikki kategoriyaga bo‘linadi: moliyaviy oqimlar va moliyaviy emas yoki real oqimlar. Real oqimlar ishlab chiqarish yoki tovar va xizmatlarni qo‘lga kiritish davrida bo‘ladigan operatsiyalarni ko‘rsatadi. Moliyaviy oqimlar esa kredit ajratish va kredit olish operatsiyalari bilan bog‘liq. Masalan, bank mijozi o‘z hisobidagi pulni omonat hisobiga o‘tkazadi, bu erda moliyaviy oqim yuz beradi. Real oqimlar tovar va xizmatlarni sotib olishdangina ib