Milliy iqtisodiyotda yangi tarmoqlar paydo bo‘lishi, ularning soni ko‘payishi ishlab chiqarilayotgan (eksport qilinayotgan) tovarlar va xizmatlar nomenklaturasi va assortimentining kengayishiga, tarmoq va sohalarning har tomonlama modernizatsiya va diversifikatsiya qilinishiga zamin yaratadi. Iqtisodiyotda modernizatsiya va diversifikatsiya darajasi uning tarkibiy tuzilishi qanchalik takomillashganligiga bog‘liq. Iqtisodiyotni tarkibiy o‘zgartirish jarayonining mohiyatini chuqur bilib olish va baholash uchun dastlab, iqtisodiyotning tarkibi qanday tuzilmalardan iboratligini aniqlab olish zarurdir. Chunki, mamlakat iqtisodiyoti - murakkab tuzilmaviy majmuadir. Ya’ni u tarkibiy, funksional, algoritmik, boshqaruv va o‘zaro aloqaviy munosabatlar kabi turli xil qirralardan iborat. Iqtisodiyotning tuzilmaviy murakkabligi uning birliklarining xilma-xilligi, soni va ular o‘rtasidagi munosabatlarning turliligi, iyerarxik darajasining miqdori, makroiqtisodiyot birliklari xarakteri bilan ifodalanadi. Fransuz iqtisodchisi F.Perru iqtisodiy tarkibga izoh berar ekan: “iqtisodiy birlikning tarkibi ayni sharoitda va shu lahzada uni tavsiflaydigan proporsiyalar va nisbatlar majmui”- deb ta’riflaydi. Iqtisodchi olim M.Mutalimov