Turli maqadlar yo’nalishidagi bino va inshootlarning ko’p xilligi ularning qiymatini baholashda yagona usullardan foydalanishni chegaralaydi va bu ularning bozor qiymatiga sezilarli darajada ta’sir ko’rsatuvchi o’ziga xos omillarni hisobga olishni talab qiladi. Turli xildagi bino va inshootlarning ushbu o’ziga xos xususiyatlarini hisobga olish, bir tomondan, ularni baholashga nisbatan eng optimal yondashuv va usullarni tanlash, ikkinchi tomondan esa, ularni baholashda ushbu bino va inshootlarning qiymatini shakllantiruvchi o’ziga xos sharoitlarni to’liqroq hisobga olish imkonini beradi.