Korxonada inqirozga qarshi boshqaruv moliyaviy menejmentning muhim elementi sifatida yangi rivojlanayotgan yo‘nalishlardan biri hisoblanadi. Inqirozga qarshi strategiyani ishlab chiqish va amaliyotga samarali joriy etish, korxona boshqaruv qarorlarini qabul qilishdagi dolzarb masalalardan biriga aylanib bormoqda. Korxona mutaxassislari tomonidan ushbu masalaga e’tiborning oshib borishi ko‘plab ob’ektiv omillarga bog‘liq. Bozor iqtisodiyoti sharoitida, inqiroz holati har qanday korxonalar faoliyatida yuz berishi mumkin bo‘lgan jarayon bo‘lib, korxona moliyaviy menejerlaridan odatdagi boshqaruv yo‘nalishlarining ko‘plab jihatlarini o‘zgartirgan holda kelgusida faoliyatni tashkil etishni talab qiladi.