Boshqaruv –jamiyat hayotining muhim shartlaridan biridir. Odamlarning birgalikdagi faoliyatini ishlab chiqarish korxonalariga, turli muassasalar jamoasiga, boshqaruv organlariga birlashtirmasdan tashkil etish mumkin emas. Har qanday moddiy va ma‟naviy ishlab chiqarish, xizmat ko’rsatish sohasi ma‟lum bir tashkillashtirish, qonun-qoidalar, mehnat taqsimoti, odamning jamoadagi o’rni va vazifasini belgilashsiz amalga oshirib bo’lmaydi. Bularning barchasi boshqaruv orqali amalga oshiriladi. Mana shuning uchun ham har qanday davlatda maxsus jamoatchilik institutlari va boshqaruv organlari tashkil etiladiki, ular jamiyatga, xalq xo’jaligining turli sohalariga, mehnat jamoalariga maqsadga yo’naltirilgan harakatni amalga oshiradilar. Boshqaruvning asosiy vazifasi odamlarni mehnat jamoalaridagi birgalikdagi faoliyatini, ularni o’zaro hamkorligini tashkil etishdir. Boshqaruvni jamiyatning rivojlanish qonuniyatlarini, iqtisodiyot qonunlarini bilmasdan amalga oshirib bo’lmaydi. Faqat qayd etilgan qonun va qonuniyatlardan foydalanib u yoki bu sohaga, korxona, muassasa jamoasiga ta‟sir ko’rsatish, paydo bo’lgan qarama-