Ushbu magistrlik dissertatsiyasi qishloq joylardagi aholi bandligini va turmush darajasini oshirishda kichik biznesni rivojlantirishning ahamiyati va yo‘llarini o‘rganadi. Ishda kichik biznesning iqtisodiyotdagi o‘rni, uning rivojlanishini ta’minlash uchun davlat tomonidan yaratilayotgan shart-sharoitlar, davlat farmonlari va qarorlari, shuningdek, bandlikni oshirish va ijtimoiy farovonlikni yaxshilashdagi roli tahlil qilinadi. Dissertatsiyada kichik biznes va xususiy tadbirkorlikni qo‘llab-quvvatlash, yoshlarni tadbirkorlikka o‘rgatish, ularning startap tashabbuslarini rag‘batlantirish va qulay ishbilarmonlik muhitini yaratish kabi takliflar ilgari surilgan.