Ushbu ishchi dastur Mirzo Ulug‘bek nomidagi Samarqand davlat arxitektura-qurilish universiteti “Arxitektura” kafedrasiga tegishli “Arxitektura” ta’lim yo‘nalishi IV-kurs talabalari uchun malakaviy amaliyotni o‘tash tartibini belgilaydi. Malakaviy amaliyot joriy o‘quv yilining bahorgi semestrida nazariy qism tugagandan so‘ng, 2 hafta davomida (jami 60 soat) yirik arxitektura-qurilish va ishlab chiqarish tashkilotlari hamda ilmiy tadqiqot loyihalash institutlarida o‘tiladi. Amaliyot talabalarning nazariy bilimlarini mustahkamlash, ish tajribasini oshirish va BIM texnologiyalari, ishlab chiqarishni tashkil etish va boshqarish bo‘yicha ilg‘or usullarni qo‘llash imkonini beradi.