Mehnat jarayonining asosiy sharti jamiyatda mehnat potensialining mavjud bo'lishi sharti. Ekonomik adabiyotlarda jamiyatning mehnat potensiali tushunchasiga turli qarashlar mavjud bo'lib, bu tushunchalar bilan bog'liq "mehnat resurslari", "ishchi kuchi" tushunchalarini undan farqlash zarurati bo'lganligi sababli ushbu tushunchalar munozarali masala bo'lmoqda. "Potensial" atamasi ilmiy muomolaga bundan 15-20 yil oldin kirtilgan edi. Etimologik jihatdan u "yashiring imkoniyatlar, quvvat, kuch" ma'nosini anglatadi. "Potensial" tushunchasining ma'nosini keng talqin qilish uni "qandaydir vazifani hal etish yoki muayyan maqsadga erishish uchun xarajatga keltilgan foydalanilgan imkoniyatlar, mablag'lar, zahira manbai; ayrim shaxs, jamiyat, davlatning muayyan sohadagi imkoniyatlari", deb qarashdan iboratdir. Shunday qilib, "potensial", "potensialli" degan atamalar biron-bir kishida, korxonaning boshlang'ich mehnat jamaasida, umuman, jamiyatda yashirin, lekin hali o'z imkoniyatlari yoki qobiliyatlarini ular hayotining tegishli sohalariida namoyon qilmaganligini bildiradi. Agar "mehnat resurslari" va "ishchi kuchi" tushunchalar ozida faqatgina miqdoriy xususiyatlarni mujassam etsa, bulardan farqli ravishda mehnat potensiali ham miqdor, ham sifat ko'rsatkichlarini oz ichiga oladi.