Konstruksiyasi, tarkibi va ishlab chiqarish texnologiyasi bo‘yicha tanlangan namuna (nusxa)lar isteʼmolchiga (sotib oluvchiga) sotish uchun mo‘ljallangan mahsulotlar bilan bir xil bo‘lishi kerak. Mahsulotni O‘zbekiston Respublikasi hududiga kirib kelgunga qadar sertifikatlashtirishda yetkazib berilayotgan mahsulot to‘pidan tanlab olingan namunalar ularni olish jarayonlari aks etgan fotosurat va videotasvirlar bilan birga taqdim etilishi lozim. Mahsulotning tanlangan namuna (nusxa)lari qolgan mahsulotdan ajratib olinadi, o‘rov-idishga joylanadi yoki tanlash joyida muhrlanadi. Mahsulotlarning muvofiqligini sertifikatlashtirish orqali tasdiqlashda ularning sinov va o‘lchashlarini o‘tkazish maqsadida muvofiqlikni baholash obyekti bo‘lgan mahsulotlarning namuna (nusxa)lari olinadi. Mahsulotning namuna (nusxa)larini tanlash, sinov va o‘lchashlarini o‘tkazishda qoida hamda uslublarini o‘z ichiga olgan O‘zbekiston Respublikasining milliy standarti yoki xalqaro standartlar ro‘yxatiga kiritilgan standartlar, ular bo‘lmagan holda mintaqaviy yoki xorijiy mamlakatlarning standarti qo‘llaniladi (keyingi o‘rinlarda — qoida va uslublar ifodalangan standsrt).