Po‘latlar va ularning tarkibiy tuzilishi, materialni ishonchli ishlashini e’tiborga oluvchi koeffitsient, bino vazifasini e’tiborga oluvchi koeffitsient, konstruksiyani ishlashini e’tiborga oluvchi koeffitsient, iqtisodiy jihatdan samarali echim variantlarini ishlab chiqish. Qurilish konstruksiyalari uchun ishlatiladigan po‘latlar mustahkam, balki, yuqori ekspluatatsion va texnologik xos-salarga: payvandlanish, plastiklik, mo‘rt buzilishga va yoriqlar rivojlanishiga etarlicha qarshilikka ega bo‘lishi shart. Qurilish po‘latlari tarkibining 0,1...0,22% ini uglerod tashkil qiladi. Po‘lat tarkibida ayni paytda bir qator elementlar (marganets – 0,8% gacha, kremniy – 0,5% gacha) bo‘lishi mumkin. Po‘lat sifatini yaxshilash maqsadida uning tarkibiga xrom, nikel va boshqa legirlovchi qo‘shimchalar qo‘shiladi. Po‘lat tarkibida zararli qo‘shimchalar (oltingugurt, fosfor, kislorod, bog‘lanmagan azot) ham mavjud bo‘ladi. Qurilish po‘latlari kam uglerodli va past legirlangan bo‘ladi. Ma’lumki, olinish texnologiyasiga ko‘ra po‘latlar qaynoq (KP), yarim sokin (PS) va sokin (SP) turlarga bo‘linadi. Qaynoq po‘lat sokin po‘latga nisbatan yomon payvandlanadi va sovuq holatda sinuvchan bo‘ladi, vaqt o‘tishi bilan mo‘rtlashadi va mustahkamligi bir oz oshadi. Sokin po‘latlar qaynatib olingan po‘latlarga ni