Quymakorlik korxonalari mashinasozlik sanoatining muhim tarmoqlaridan biri bo'lib, bunda avvaldan tayyorlangan qolipga turli metall yoki ularning qotishmalarini quyib, turli shaklli va o'lchamli quymalar olinadi. Quymalar massasi bir necha grammdan 250 t gacha va ortiq bo'lishi mumkin. Quyma zagotovkalarga kelsak, ularning shakli va o'lchamlari detallar shakliga va o'lchamiga ko'ra mexanik ishlovlarga mo'ljallangan, qo'yim qiymatidan bir muncha kattaroq bo'ladi. Quymalarning o'lchamiga va korxonalarning xiliga ko'ra Cho'yan quymalar uchun qo'yim o'lchami 2−20 mm, po'lat quymalar uchun 428 mm gacha bo'ladi. Stanoksozlikda 80 foizga yaqin detallar (stanok staninalari, tezlik quti korpuslari va boshqalar), avtotraktorsozlikda 60 foizga yaqin detallar (silindr bloklari, karterlar, porshenlar, nasos korpuslari, tirsakli vallar va boshqalar) shu usulda olinmoqda.