Mazkur kurs ishida raqobatlashuvchi firma va tarmoqning uzoq muddatli oraliqdagi muvozanati tahlil qilinadi. Ishda uzoq muddatli o‘rtacha xarajatlarning o‘zgarishi va ishlab chiqarish masshtabining samaradorligi o‘rganiladi. Uzoq muddatli oraliqda barcha ishlab chiqarish omillari o‘zgaruvchan bo‘lib, firma o‘z ishlab chiqarish quvvatini tanlash va shu orqali xarajatlarni minimallashtirish imkoniyatiga ega bo‘ladi. Ishda ishlab chiqarish masshtabining o‘sishi, o‘zgarmasligi va kamayishi oqibatidagi xarajatlar ta’siri grafiklar yordamida ko‘rsatildi hamda firmaning uzoq muddatli muvozanat holati tushuntirildi.